Katong Orang Basudara

Katong Orang Basudara

Airlouw, 2 September 2017

Meyjo

Dari Aceh sampe Papua,

Katong orang basudara

Dari ujung Halmahera sampe Tenggara Jauh

Katong orang basudara

Dari Waimahu sampe Rehoboth

Katong orang basudara

Ale di kota, beta di gunung

Ale pintar gadget, beta gaptek

Ale tidur di kasur, beta tidur dilantai

Ale makan di restoran, beta tahan lapar

Tapi, katong orang basudara

Katong basudara

Biar ale hitam, beta putih

Biar aleh kuat, beta lemah

Katong tetap basudara

Potong dikuku, rasa di daging

Ale marah, beta manangis

Ale pigi, beta merana

Beta seng bisa bajalan, kalau ale seng tuntun beta

Beta seng dapa lia, kalau ale seng kasih cahaya

Beta maraju, kalau ale seng plo beta dengan kasih saying

Beta tersesat, kalau ale seng cari beta

Beta minta ampong jua,

Kalau beta malawang, bandel, kepala batu, suka bermain, tukang baribot

Beta minta kas bae beta jua

Kalau beta pemalu,

Beta seng percaya diri,

Beta sadar kalau paling sayang beta

Beta bisa jadi pohon yang indah,

Kalau ale rawat beta dengan cinta

Beta bisa badiri kuat,

Kalau ale jadi sombar par beta

Beta deng ale bisa bagini

Karena katong orang basudara

Katong Indonesia!

Katong Maluku!

Katong GPM!